Cuireann Ó Donnghaile fáilte roimh thacaíocht na Náisiún Aontaithe
Chuir an Seanadóir Niall Ó Donnghaile fáilte roimh an nuacht go dtacaíonn na Náisiúin Aontaithe le cur i bhfeidhm Acht Ghaeilge sna 6 chontae.
Táthar ag maíomh i dtuarascáil de chuid an Choiste um Chearta Eacamaíocha, Sóisialta agus Cultúrtha gur cheart Acht Ghaeilge a thabhairt i bhfeidhm chun an teanga a chosaint agus le hoidhreacht chultúrtha a chur chun tosaigh.
“Cuirim fáilte roimh an scéala go bhfuil na NA tiomanta don Ghaeilge agus go bhfuil siad ag leanstan leis an mhonatóireacht sa tuaisceart.
“Is díol díoma é, áfach, go bhfuil muid go fóill ag fanacht le hAcht Glaeilge, seacht mbliana i ndiaidh gur foilsíodh an tuarscáil dheireanach de chuid na NA – tuarascáil a mhol Acht Ghaeilge an uair sin fosta.
“Tá dualgas ar Rialtas na Breataine cearta teanga a chomhlíonadh agus a chinntiú. I láthair na huaire, tá teip ar Rialtas na Breataine i leith na Gaeilge.”
