Sinn Féin - On Your Side

Tacaíonn Bairbre de Brún le feachtas ar son Acht na Gaeilge

8 February, 2006


Tá Feisire de Pharlaimint na hEorpa de chuid Sinn Féin, Bairbre de Brún, ag tacú le feachtas POBAL ar son Acht na Gaeilge do na Sé Chontae.


Bhí an FPE ag caint ag ócáid i lár Bhéal Feirste inniu, nuair a sheol POBAL Acht na Gaeilge, tar éis don eagraíocht bliain a chaitheamh i mbun comhairliúchán le Gaeilgeoirí.

Ag caint léi ag an ócáid, dúirt Bairbre de Brúin: "Tá reachtaíocht forbartha fud fad an domhain le cosaint a thabhairt do theangacha dúchasacha.

"Molaim obair POBAL ar an cheist seo. Tá moltaí doAcht cuimsitheach dréachtaithe acu. Ba chóir na cearta chéanna bheith ag Gaeilgeoirí sna Sé Chontae agus atá acu sna 26 Contae.

"Beidh Sinn Féin ag cur ina luí ar rialtas na hÉireann, rialtas na Breataine agus na páirtithe polaitiúla eile gur rud fiúntach é seo a ba chóir do gach éinne bheith ag tacú leis.

"Beimid ag cinntiú go bhfuil cearta do Ghaeilgeoirí, agus creatlach dleathach d'fhorbairt na teanga mar a mholtar san Acht seo, beidh muid ag cinntiú go mbeidh siad ag croí-lár na gcainteanna idir muid féin, an dá rialtas agus na páirtithe eile.

"Cinnteoidh moltaí POBAL go mbeidh áit ag an Ghaeilge sa todhchaí; go mbeidh cearta daingne soiléire ag Gaeilgeoirí; agus go mbeidh eolas cruinn ag an stát cad iad dualgais s'aige," ar sí.

Sheol an Seanadóir an Dr Maurice Hayes Acht na Gaeilge ar son POBAL i dTeach Windsor, 9-15 Sráid Bedford, Béal Feirste, ar 11.00rn Dé Céadaoin 8 Feabhra 2006.

Connect with Sinn Féin